泰國菜館推介@芭東

芭東都幾出名嘅一間泰國菜館 係正Jungceylon斜對面 食物質素同價錢都唔錯 由80至450baht左右 芒果糯米飯(150baht)同泰式生蝦(250baht/9隻)更係必食之選😋 DANG RESTAURANT Patong Phuket Address: 188 Ratuthit 200 Pee Road, Patong, Kathu, Phuket 83150, Thailand.

午餐推介@荔枝角

之前係荔枝角番工 聽到同事話荔枝角有間焗飯好好食 但又唔知係叫咩名 最後終於搵到 依間餐廳好好 焗飯可以叫全份或半份 依個芝士焗豬扒飯就係半份 都係$26定$28 全份嘅就好似$48 (因為今餐有人請所以唔記得左價錢🙈) 最適合唔係好大食嘅女仔食(利申:食剩少少) 個飯蕃茄醬好多 食落好多汁 酸酸地感覺好開胃 絕對好食過嗰兩間大xx嘅好多😋荔枝角番工嘅朋友可以一試👍 又一間焗飯 地址: 長沙灣 福榮街571號地舖 (荔枝角B1出口)

原味乳酪蛋糕

材料(5寸圓形焗模) 忌廉芝士 120g 原味乳酪 90g 砂糖 50g 蛋黃 1個 蛋白 1個 低筋麵粉 4小匙 做法 1)忌廉芝士在室溫放軟,加入4大匙砂糖,然後用打蛋器打至軟滑,再依序加入蛋黃和乳酪攪拌,每加入一樣材料都必須攪拌均勻。 2)將蛋白放入另一個碗盆打至起泡,然後將剩餘砂糖加入繼續打至企身。 3)將1/3蛋白霜加入忌廉芝士中攪拌,再加入低筋麵粉攪拌均勻。接著將剩餘蛋白霜分2次加入,攪拌至沒有粒狀物。 4)倒入烤模中,輕輕在桌上敲幾下令底部紮實,將表面抹平,然後放入預熱180度的焗爐焗15分鐘,再用170度焗30分鐘,之後用竹籤戳一戳,沒有黏上麵糊就表示焗好了。 稍微冷卻後脫模即成(放進冰箱冷藏一晚會更美味)。

芒果椰汁西米露

今日Cooking Chloe有口福,食到Cooking Mama整嘅芒果椰汁西米露😋重點係要用大粒西米 錦先夠咬口 大粒西米可以係一田或街市搵到 $7蚊一大包 記住西米唔可以用凍水浸 一浸會融唒😟

午餐之選@溏心蛋魚腐拉面

一個人係屋企都唔想頹食杯面?Cooking Chloe教你如何自製簡易午餐! 材料: 1. 鹿兒島黑豚湯拉面 (購自阿信屋 $12) 2. 雞蛋1隻 3. 魚腐適量 (其他食材代替亦可) 步驟: 1) 拉面按照包裝所示步驟煮好,湯底加入魚腐煮熟。 2) 雞蛋凍水落煲中火煮7-8分鐘,最後加入拉面完成。        

好物分享@日式芝麻醬

有冇人同我一樣好鐘意食芝麻醬😜撈沙津又得 撈烏冬又得 打邊爐又得 得左🙈 業務用芝麻醬 (1000ml) | $50 之前係一田見到要over$100 依枝禁大枝先係$50 岩唒我依啲食咩都要落一餐嘅人🙈 地址:大埔墟街市2樓梁九記

好物分享@墨魚意粉

墨魚意粉 | $12 自己出街食墨魚汁意粉起碼都要七八十蚊,上次行街見到有直接處理好左嘅墨魚汁意粉,加啲忌廉帶子就變成好正嘅墨魚汁帶子意粉,一於試下整先😜 地址:大埔墟街市2樓梁九記

簡易食譜系列@無面粉香蕉pancake

材料(可煎約6-7小塊): 1) 雞蛋2隻 2) 香蕉一隻 (建議用有梅花點嘅熟蕉,因為會甜啲同軟啲) 步驟: 1) 雞蛋攪拌匀 2) 加入香蕉攪拌至完全融合 3) 中火每邊煎30秒至1分鐘 4) 完成!可以加上自己喜歡的生果或果醬一起吃 食後感: 其實味道有點似香蕉味的蛋餅,但賣相真的跟一般pancake無異,建議可以早餐整,方便快捷又健康😜

簡易食譜系列@梳乎厘

材料: 1) 雞蛋2隻 (好想講下一句係糖呢就兩茶匙…) 2) 煉奶5湯匙 (唔想禁甜可以比少啲) 步驟: 1)首先將蛋黃同蛋白分開 2)蛋黃同煉奶拌勻 3)蛋白用搞拌機打起 4)蛋白用切分法拌入蛋黃槳 5)放進容器(約4碗) 6)焗盤注入小量熱水,放進焗爐以180度焗15分鐘,再以160度焗5分鐘(因應各焗爐火力不一,期間要睇火) 7)完成!